Worship Complete

Verlede Vrydagaand het ek die geleentheid gehad om te gaan kuier by die AGS kerk in Melkhoutfontein se jeug. Hulle jeugleier, Jonathan, is besig om psalm 23 oor ‘n tydperk van ‘n paar Vrydae deur te werk en het hy my gevra of ek nie iets het om te deel met hulle oor hierdie lieflike deel van die skrif nie.

My pa het al ‘n hele klompie jaar terug vir my in ‘n ou hoogs-hollandse bybel gewys hoe die eienaar, wat heel moontlik in die groot depressie jare geleef het, psalm 23 “deur” gelees het. Die blaaie is baie duidelik meer aan gevat as die res rondom dit en is daar selfs vlekkies wat lyk soos druppels wat merke gelaat het op die bladsy wat nie op ander plekke voorkom nie. Wat hierdie druppels is, of dit nou net water of dalk trane is, maak nie saak nie, want dit verskyn alles by psalm 23. Dit het ‘n groot indruk op my gemaak wat gemaak het dat ek self ook redelik al tyd spandeer het op hierdie psalm en is was daar nog altyd baie rykdom daarin. Wel nie in die woorde van die psalm nie, maar hoe direk dit spreek tot ons lewe selfs nog vandag.

Ek skryf nou baie oor die psalm, maar wat ek egter wil deel is net in kort hoe ons Herder nogsteeds gereed staan om ons te laat neerle in groen weivelde en te neem na waters van rus is. Ons het sommer as die klein groepie van 17 mense rustig op ‘n mat gesit en net ons gedagtes weer oor die woorde van die psalm laat gaan en kortliks stil gestaan by die gedagte van gaan “neerle” by die weivelde en waters. Sonder om veel te doen het ek net met die ghitaar gesit en ons het die koor gedeelte van Light of the world gesing en net rustig geraak by Hom. Vandaar het Hy self met outjies begin gesels en werk en was dit so ‘n voorreg om te sien hoe getrou Jesus is om nie net te wees in woorde nie, maar ook deur Sy Gees lewend by ons.

Vanuit my persoonlike ervaring van die aand was dit vir my baie spesiaal om te weet dat die outjies nie gaan vaskyk in my op soek na hulle ervaring nie, maar hulle het ‘n geleentheid gehad waar hulle met God self kon ontmoet. Ek dink ek probeer maar net met hierdie paar woorde getuig van God se werklikheid en Sy begeerte om ons te ontmoet, Sy skepping.

Groete vanuit ‘n kouerige Laingsburg,

Louw

Dit is ‘n geruime tyd vandat ons ‘n bietjie nuus op die blad gesit het, maar julle het nie veel gemis nie. Hmmmm behalwe vir Worship Complete Live vir Mei wat ‘n spesiale aand was. Weereens was dit iets anders as die voriges en daar was gefokus op gebed met Tilana van Stilbaai wat met ons gedeel het. Baie dankie vir die terugvoering wat ons kry vanaf individue wat rerig bemoedigend is. Dit is goed om te weet dat die aande waarde het vir mense en dat hulle dit nie ervaar as ‘n “show” nie.

Dit is immers ons hart om ‘n geleentheid te skep waarby enige persoon welkom sal wees om te wees wie hy of sy is voor God se aangesig en dit is goed om te hoor dat dit gebeur. Dit bly vir my een van die grootste seeninge om te kan sien hoe mense hul Hemelse Vader self ontmoet in tye van aanbidding. Ons vat wel ‘n bietjie ‘n breek vir Junie en sal die volgende Worship Complete Live aand in Julie wees. Ek dink nie ons het al datums vasgemaak nie, maar hou maar die winkel vensters en u gemeentes se afkondigings dop. Hopelik onthou ek darem om weer vanaf die webblad weer ‘n kennisgewing te laat uitgaan en dan is die Facebook group ook ‘n goeie manier om op hoogte te bly.

Dit is darem nie dat daar niks gebeur het  nie en vir die wat by April maand se Worship Complete Live aand was, sal onthou dat ons ‘n paar liedere gesing het aan die begin. Die klank en beeld is opgeneem en kon ek darem iets doen daarmee. Ek glo ons sal van dit kan beskikbaar maak op die site vir luister en moontlik download vir die wat wou.

Nou ja, julle moet warm bly in ons winter wat waarlik opgedaag het hierdie week met lekker sneeutjies op die berge. Groete en vrede,

Louw