Hi Almal,
Jip ons het gisteraand ons laaste event vir die maand gehad en was dit nie ‘n “blast” nie. Apart van net die energie en opgewondenheid was daar ook ‘n baie spesiale gees van eerlikheid oor ons omstandighede en Manie Botha het kortliks gedeel oor hoe die “groter prentjie” eintlik werk. Hoe ongelooflik is dit dat ons kan rustig wees in ons omstandighede met die wete dat daar iemand groter as ek baie defnitief weet wat Hy doen. hehe. Iets anders wat ook net vir my uitgestaan het is iets wat ek ervaar het by Oakdale ook, en dit is die entoesiasme(spelling?) en ywer waarmee die jongmense soek na God en Homself, nie die persoon wat die verteenwoordiger is nie. Ek was verstom oor die opkoms ook, ons was almal so kort oor die 300. Amazing vir ‘n Donderdagaand!!!
Apart van die aand was dit maar vir ons almal ‘n gejaag om alles reg te kry. Tot op die laaste uur voor ons begin het, het die dromme eers geland. Dit was naelskraap, maar alles het net vlot verloop te midde van omstandighede en die druk om dinge reg te kry. Hy weet wat Hy doen! Nou ja hierdie naweek, wat vandag begin, gaan ons almal wat betrokke is by Worship Complete vir ‘n slag bymekaar kom om net rustig saam te kuier. Ek weet dit gaan ‘n fantastiese aand wees om sommer net weer lekker as vriende saam te kuier en ‘n ou vleisie op die kole te gooi.
Dit is nog iets waarvoor ek baie dankbaar is die laaste tyd, en dit is die kwaliteit vriende wat in my lewe is. Apart van die kuier is die idee ook om sommer net ‘n bietjie te deel oor die afgelope tyd en wat vir ons uitstaan in dit wat ons doen. Ek ervaar rerig in my hart dat die Here ons vir ‘n spesiale rede bymekaar voeg om te doen wat ons doen en ek dink nie ons besef dit altyd nie. Oor die algemeen doen ons dit want dit is lekker en ons kan! hehe.
Nou ja, ek sal op ‘n latere stadium ‘n bietjie fotos laai van gisteraand wanneer ek dit kry. Groetnis en sien julle volgende keer.
Louw
