Worship Complete

[Show as slideshow]

[View with PicLens]

Dit is nou maar net ‘n feit dat God nie werk soos ons dink of antisipeer nie. Onlangs is ons omgewing besoek deur ‘n redelike groot internasionale spreker met die naam van Andrew Wommack. Andrew is ‘n bekende gesig vir die wat gereeld inskakel op God-TV, maar ‘n baie groot deel van sy bediening strek oor baie lande reg oor die wereld in die vorm van bybelskole. Hy is ‘n man wat glo daarin dat die waarheid van die Woord ‘n kardinale rol speel in ons daaglikse bestaan hier op aarde.

Die mense met die visie om hom na ons streek te bring en spesifiek Heidelberg, is die herderspaar van Langeberg Christian Fellowship van Heidelberg. ‘n Massiewe tent en klanktoerusting is in die geloof gehuur en ‘n goeie 1500 stoele was uitgepak vir die drie dae konferensie wat deur Andrew aangebied sou word.

Om terug te kom by my opening stelling van hoe anders God se planne is as ons s’n, is weereens bewys dat daar persone uit Durban geskakel het en gevra het hoekom laat hulle nie vir Andrew Wommack na Durban kom nie, want hulle het al die nodige fasaliteite daar om massas mense te laat sit, maar Andrew het ervaar dat God Sy aandag wil vestig op Sy skepping in die Suid-Kaap. Ja nie net persone van Heidelberg omgewing het bygewoon nie, maar ons het persone ontmoet van Worcester, Robertson omgewing tot George en selfs Knysna.

Ongeveer 6 mnde gelede het Will Graham, van Adrew Wommack Ministries Europe, my deur Phill Smyth, die herder van Langeberg Christian Fellowship, genader om die “Praise en Worship” tydens sy konferensie, 21-23 Julie, in Heidelberg te lei. Will, vergesel deur Phill en Charles Hopkins, het my persoonlik op die plaas kom sien waar ons heerlik oor die dinge van die Here gesels het, maar tog belangrik ook oor die Here van die dinge. Ek het hierna besef dat ek sterk in my gees dieselfde waarheid uit die Woord ervaar as waarvan hulle gepraat het.

Met vrede in my hart, en baie opgewondeheid, was ek positief oor die geleentheid en ek glo almal kan getuig oor hoe goed dit was om deel te wees van hierdie groot geleentheid waar baie mense aangeraak is.

My persoonlike ervaring was dat daar ‘n oplossing reeds vir al my behoeftes in my binnekant is, maar dat ek in geregtigheid en in ‘n liefdeverhouding met Hom moet staan om hierdie Goddelike krag te aktiveer.
Wat vir my uitgestaan het en geseënd was tydens die bediening, was dat die hele “Worship-team” nie net musikale mense is nie, maar ware aanbidders. Hier is ‘n paar fotos van die geleentheid.