Worship Complete

Hi Almal,

Soos ons genoem het by Worship Complete Live! van April is dit spesiaal om te dink dat liedere elkeen gebore is uit ‘n persoon se hart wat iets ervaar van God se karakter en ons posisie teenoor dit. Dit beteken dan eintlik elke lied is ‘n getuienis op sy eie.

“Hier is ek” is gebore uit ‘n hart waar ek net gevoel het ek wil dit met alle energie wat in my is vir soveel as moontlik mense sing dat ek kies om saam met God te stap en Sy wil vir my lewe te volg. Om gereed te wees om ag te slaan op Sy stem elke oomblik van die dag en standpunt in te neem oor die Een waarin ek glo. Dit is nie ‘n baie tegniese lied nie, net ‘n eenvoudige uitdrukking van opregte hart. Ek deel dit graag met julle

Louw – Hier is ek

Gedurende die Worship Complete Live! aand van April het Marlize een van haar eie liedjies gesing en vertel hoe die lied in haar hart gebore is.

Marlize – Love You With All

Hier is die lewendige opname van “When the oceans rise” soos voorgedra deur Johan.

Johan – When The Oceans Rise

Hehe, ek is maar ‘n sucker as dit kom om iets stil te hou waaroor ek opgewonde is. Die naweek was fisies ‘n lang naweek en fisies lang ure agter die ou vierkantige rekenaar monster. Maar dit is die moeite werd en twee songs is alreeds in ‘n rowwe konsep aanmekaar gesit met die verwerkte klankbaan en verskillende kamera “angles”. Omrede dit maar groot is, het ek net een op vir ‘n voorskou en dit is “Ek wil gereed wees”. Daar moet nog fynere snywerk gedoen word en dan ook FX, maar ek leer ook nog in die proses. Ek hoop julle geniet dit, want ek het!

Hi almal. Ek is so opgewonde terwyl ek nou besig is om hierdie post te tik, want ek kan die eerste voorskou van die juegweek se opnames vir julle gee om na te luister. Die lied is “In die hemel is die Heer” wat ons Donderdagaand gesing het. Toe ek die rou opnames die eerste keer gehoor het, is al die foute en tekortkominge in tegniek en kwaliteit baie hoorbaar, maar soos enige iets moet dit dan begin skaaf word en elke instrument, stem en klank moet gesny, geskuif, versterk of verminder word.

Ek is baie positief oor die res van die projek om ‘n DVD beskikbaar te stel met liedere en die boodskappe van die week op. Ons sal graag wil hoor in julle opinie wat julle dink van die verwerking.

In die hemel is die Heer